Azərbaycanın yunan-Roma güləşçiləri Fransada keçirilən beynəlxalq turnirdə qüvvələrini sınayıblar. Apasport.az saytının məlumatına görə, iki günlük mübarizənin yekununda Bəhram Mürvətovun yetirmələri 9 medal qazanıblar.

Pəhləvanlarımızdan Elçin Əliyev (55 kq), Rafiq Hüseynov (74 kq) və Şalva Qadabadze (96 kq) birinci, Rövşən Bayramov (60 kq), Elvin Mürsəliyev (74 kq) ikinci, Fuad Əliyev, Rəsul Cunayev (hər ikisi 66 kq), Denis Mişin (96 kq) və Cəlal Bahadurov (120 kq) isə üçüncü yeri tutublar.

Bu, Pekin Olimpiadasında 55 kq çəki dərəcəsində gümüş medala layiq görülmüş Rövşən Bayramovun son 6 ayda ilk yarışı olub. Amma baş məşqçi onun öz çəkisində deyil, 60 kq-da güləşməsini məqsədəuyğun sayıb. Yığmamız Fransada komanda hesabında meydan sahiblərinin ardından 9 kollektiv arasında 2-ci pillədə qərarlaşıb.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”