Azərbaycan cüdoçuları növbəti yarışa hazırlığı başa vurublar. Apasport.az saytının məlumatına görə, Ağayar Axundzadənin rəhbərlik etdiyi kollektiv fevralın 7-də Fransanın paytaxtı Parisdə start götürəcək “Böyük Dəbilqə” turnirində iştirak edəcək.

Yarışa Pekin Olimpiadasının qızıl medalçısı Elnur Məmmədli (73 kq) və bürünc mükafatçı Mövlud Mirəliyev (100 kq), həmçinin Elxan Rəcəbli (81 kq) və Elxan Məmmədov (90 kq) yollanacaq. Həmyerlilərimiz sabah axşam Bakı - İstanbul - Paris reysi ilə səfərə çıxacaqlar.

İki gün davam edəcək turnirdə yalnız Elxan Rəcəbli və Elxan Məmmədov güləşəcək. Elnur Məmmədli və Mövlud Mirəliyevə gəlincə, baş məşqçi onlara istirahət verib. Olimpiya mükafatçıları Parisdə yarışdan sonra təşkil olunacaq 5 günlük təlim-məşq toplanışına qatılacaqlar.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”