Bu gün Fransanın paytaxtı Parisdə 2009-cu ilin ilk mötəbər cüdo turniri – “Böyük Dəbilqə” start götürür. Apasport.az saytının məlumatına görə, ümumi mükafat fondu 154 min dollar olan yarışda Azərbaycanın şərəfini 2 idmançı qoruyacaq. Parisdə tatami üzərinə Elxan Rəcəbli (81 kq) və Elxan Məmmədov (90 kq) çıxacaq.

Pekin Olimpiadasının qalibi Elnur Məmmədli və bürünc mükafatçı Mövlud Mirəliyev isə azarkeş qismində yarışa baxacaqlar. Azarkeşlərdən söz düşmüşkən, “Böyük Dəbilqə”nin biletləri kifayət qədər baha satılır. Cüdo həvəskarlarına ən ucuz bilet 14 avroya başa gəlir. İkinci sektorda oturmaq istəyənlər isə 62 avro xərcləməlidirlər.

60 ölkədən 500-dək cüdoçunun mübarizə aparacağı turnirdə ilk yerin sahibi 5000, gümüş medalçı 3000, fəxri kürsünün üçüncü pilləsinə yüksələnlər isə hərəyə 1500 avro qazanacaq. “Böyük Dəbilqə” sabah axşam yekunlaşacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”