Boks üzrə Türkiyə milli komandasının üzvü Çətin Özdəmir küçədə bıçaqlanıb. Apasport.az saytının məlumatına görə, 20 yaşlı idmançı bu xoşagəlməz halla Trabzon şəhərinin küçələrindən birində üzləşib. O, iki dostu ilə birgə yol gedərkən, qeyri-müəyyən səbəblərdən 5 nəfərin hücumuna məruz qalıb.

Nəticədə qarşı tərəfdən Onur Sərdar adlı şəxs Özdəmirə boyun və qulaq nahiyəsindən bıçaq zərbəsi endirib. Üstəlik, boksçunun dostunu da sinəsindən yaralayıb. Çətin Özdəmir və onun dostu dərhal xəstəxanaya yerləşdirilib, onların həyatı təhlükədədir. 21 yaşlı cinayətkar isə artıq həbs olunub.

Qeyd edək ki, 60 kq çəki dərəcəsində Türkiyə birinciliyinin qızıl medalını qazanmış Özdəmir yeniyetmələr arasında ikiqat Avropa çempionudur.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”