Dövlət başçısı İlham Əliyevin tapşırığı ilə 2007-ci ilin avqustundan etibarən Mingəçevirdəki köhnə avarçəkmə bazasının yerində inşa olunan “Kür” Olimpiya İdman Mərkəzi ilin son rübündə istifadəyə veriləcək. Milli Avarçəkmə Federasiyasının (AMAF) mətbuat xidmətindən apasport.az saytına verilən məlumatına görə, hələlik İdman Mərkəzində işlər sürətlə davam etdirilir. Gənclər və İdman Nazirliyinin vəsaiti hesabına “Serb-Az” şirkətinin briqadası tərəfindən aparılan tikinti birbaşa AMAF-ın nəzarəti altındadır.

6 hektar sahəni əhatə edən “Kür” Olimpiya İdman Mərkəzi təkcə avarçəkmə növlərinin inkişafı üçün nəzərdə tutulmayıb. Burada həm də güləş, voleybol, basketbol zalı, 4 böyük tennis kortu, 25x50 metr ölçüdə olimpiya standartlarına uyğun üzgüçülük hovuzu üçün sektorlar ayrılıb. 8 mərtəbəli mehmanxana binasının inşası, demək olar ki, başa çatdırılıb. Yalnız fasad işlərinin görülməsi qalıb.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb