İranın Qum şəhərində yunan-Roma güləşi üzrə “İmam Yadigar” kuboku uğrunda beynəlxalq turnir keçirilib. Apasport.az saytının lent.az-a istinadən məlumatına görə, yarışda çıxış edən Azərbaycanın 8 pəhləvanından 3-ü medal qazanıb.

Sakit Cəlilov (60 kq) bütün rəqiblərini məğlub edərək, qızıl medala sahib çıxıb. Qadir Süleymanovla (55 kq) Emin Əhmədov (66 kq) isə bürünc medala layiq görülüblər. Elgiz Məmmədov (84 kq) 5-ci, Anar Əsədov (60 kq), Elşad Səfərov (66 kq) və Vüqar Mirzəyev (96 kq) 11-ci, Taleh Məmmədov (55 kq) isə 17-ci yeri tutublar.

Bu nəticələrə əsasən, 32 xal toplayan Azərbaycan yığması ümumi hesabda 8 ölkə arasında İran və Türkiyədən sonra 3-cü yeri tutub.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb