İspaniyada təşkil olunan şahmat üzrə “Linares” superturnirində XII turun oyunları başa çatıb. Apasport.az saytının məlumatına görə, yarışda Azərbaycanın yeganə təmsilçisi Teymur Rəcəbov bu turda kubalı Lenyer Dominqeslə qüvvəsini sınayıb. Ağ fiqurlarla oynayan 22 yaşlı şahmatçımız autsayderin öhdəsindən gələ bilməyib. Tərəflər “sülh” bağlayıblar.

Yarışda 9-cu heç-heçəsini rəsmiləşdirən Teymur xalını 5,5-ə çatdırıb. Dominqeslə bərabərlik 6-cı sırada qərarlaşan Rəcəbovun bir pillə geriləməsi ilə nəticələnib. Həmyerlimiz yarışda son iki oyununu bu gün Maqnus Karlsenə, sabah isə Van Yueyə qarşı keçirəcək.

XII turun nəticələri:

Teymur Rəcəbov (Azərbaycan, 2761) - Lenyer Dominqes (Kuba, 2717) - 0,5:0,5
Levon Aronyan (Ermənistan, 2750) - Van Yue (Çin, 2739) - 0,5:0,5
Vişvanatan Anand (Hindistan, 2791) - Vasili İvançuk (Ukrayna, 2779) - 0,5:0,5
Maqnus Karlsen (Norveç, 2776) - Aleksandr Qrişuk (Rusiya, 2733) - 1:0

Turnir cədvəli: 1.Qrişuk 7 xal; 2. İvançuk 6,5; 3. Karlsen 6,5; 4.Aronyan 6; 5.Anand 6; 6.Yue 5,5; 7.Rəcəbov 5,5; 8. Dominges 5

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb