Çernoqoriyada kişi şahmatçıların şəxsi Avropa çempionatında beşinci turun görüşləri başa çatıb. Apasport.az saytının məlumatına görə, Budva şəhərində təşkil olunan qitə birinciliyində altısı həmyerlimiz olmaqla, 300-dən çox iti zəka sahibi mübarizə aparır.

Hesabat turunda Azərbaycan şahmatçılarından yalnız biri xalsız qalıb ki, Vasif Durarbəyli moldovalı Dmitri Svetuşkinə təslim olub. Qədir Hüseynov Vasili Yemelinlə (Rusiya), Rauf Məmmədov Peter Proxaşka (Polşa) ilə, Eltac Səfərli Laurent Fressynlə (Fransa), Faiq Ələsgərov Zoran Arsoviçlə (Serbiya) heç-heçə oynayıb. Günün yeganə qələbəsi serbiyalı Deyan Pikulanı mat qoyan Vüqar Rəsulovun hesabına yazılıb.

Hazırda Rəsulov 3,5 xalla 24-cü, eyni xala malik Məmmədov 35-ci, Hüseynov 38-ci, Səfərli 3 xalla 82-ci, Ələsgərov 2,5 xalla 138-ci, Durarbəyli 2 xalla 158-ci yerdədir.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”