İstanbulda qadınlar arasında FİDE Qran Pri turnirində bir günlük istirahət başa çatıb. Apasport.az saytının məlumatına görə, həmyerlimiz Zeynəb Məmmədyarova da daxil olmaqla, 12 şahmatçının qüvvəsini sınadığı yarışda V tura yekun vurulub.

Hesabat turu sumqayıtlı qrossmeyster üçün uğurlu alınıb. İlk dörd oyunda məğlubiyyətlə barışan Məmmədyarova bu dəfə heç-heçə oynayıb. O, erməni Elina Danieliyana qarşı fiqurla oynamasına baxmayaraq, partiya 53-cü gedişdə “sülh”lə nəticələnib.

Digər oyunlar belə başa çatıb

Fierro Martana (Ekvador) - Humpu Koneru (Hindistan) – 0:1
Yifan Hau (Çin) – Yıldız Betul (Türkiyə) – 1:0
Xue Zen (Qətər) - Pia Kramlinq (İsveç) – 1:0
Mari Sebaq (Fransa) - Antoanetta Stefanova (Bolqarıstan) – 0:1
Yanq Şen (Çin) – Mayya Çiburdanidze (Gürcüstan) – 0:1

Hazırda Hau 4,5 xalla vahid liderdir. Koneru və Zen 4 xalla növbəti pillələrdə qərarlaşıb. Hesabındakı 0,5 xalla sonuncu olan Məmmədyarova isə bu gün Şenlə oynayacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”