Hesabat-seçki konfransı ərəfəsində Beynəlxalq Ağırlıqqaldırma Federasiyasının (IWF) 2008-ci il üçün reytinq cədvəli açıqlanıb. Apasport.az saytının məlumatına görə, siyahı ötən il keçirilmiş 21 rəsmi yarışda fərqlənən atletlərin göstəricilərinə uyğun tərtib olunub.

Reytinqdə Azərbaycan atletlərindən ən yüksək pillədə qərarlaşanı Nizami Paşayevdir. İkiqat dünya çempionumuz 94 kq çəki dərəcəsində planetin 5-ci ən güclü ağırlıqqaldıranı sayılır. O, Pekin Olimpiadasında 396 kq-lıq (birdən qaldırmada 181 kq, təkanla qaldırmada 215 kq) göstərici ilə bu yerə layiq görülüb.

Digər atletlərimizdən Turan Mirzəyev (69 kq) öz çəkisində 6-cı, İntiqam Zairov (85 kq) isə 14-cü sıradadır. 62 kq çəki dərəcəsində mübarizə aparan Zülfüqar Süleymanovla Sərdar Həsənov siyahıda qonşudurlar. Onlar müvafiq olaraq, 28-ci və 29-cu yeri tuturlar. Namiq Cəmilov (77 kq) 40-cı sıraya sahib çıxıb.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”