Aprelin 15-də Özbəkistanın paytaxtı Daşkənddə yunan-Roma və sərbəst güləş üzrə “Qızıl Qran-Pri” seriyasından növbəti yarış start götürəcək. Azərbaycan Güləş Federasiyasından apasport.az saytına verilən məlumata görə, turnirdə ölkəmizin şərəfini 16 idmançı qoruyacaq. Yığmamızın əsas üzvləri az öncə Avropa çempionatında qüvvələrini sınadıqlarından Daşkəndə gənc pəhləvanlar aparılacaqlar.

Yunan-Roma növündə Qadir Süleymanov, Elçin Əliyev (hər ikisi 55 kq), Sakit Cəlilov, Hacıxan Mustafayev (hər ikisi 60 kq), Elşad Səfərov, Emin Əhmədov (hər ikisi 66 kq) və Elgiz Məmmədov (84 kq) çıxış edəcək.

Sərbəst güləşçilərimizdən isə yarışda Ceyhun Əliyev (55 kq), Xaybulla Şaalov (60 kq), Emin Əzizov, Elmir Qəmbərov (hər ikisi 66 kq), Elnur Aslanov, Elnur Əliyev (hər ikisi 74 kq), Şərif Şərifov (84 kq), Cəmaləddin Maqomedov (96 kq) və Maksim Proxorov (120 kq) mübarizə aparacaq. “Qızıl Qran-Pri”yə aprelin 18-də yekun vurulacaq.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb