Aprelin 18-də otüstü hokkey üzrə sayca 8-ci Azərbaycan çempionatı start götürəcək. Bu haqda apasport.az saytına Azərbaycan Otüstü Hokkey Federasiyasının mətbuat katibi Yaqub Nuriyev məlumat verib. Onun sözlərinə görə, növbəti çempionat federasiyanın 40 illik yubileyinə həsr olunacaq.

Bu münasibətlə şənbə günü təntənəli açılış mərasiminin keçirilməsi planlaşdırılıb. Federasiyanın 40 illik yubileyi ilə əlaqədar veteran otüstü hokkeyçilər arasında yoldaşlıq görüşü keçiriləcək.

Ölkə çempionatına gəlincə, öncə kişilərdən ibarət komandalar mübarizəyə qoşulacaqlar. Burada yarış 3 liqada təşkil edilib. Yüksək liqada “Akkord”, “Atasport” (hər ikisi Bakı), “Şahdağ” (Qusar), “Göytəpə” (Cəlilabad), 1-ci liqada “Kür” (Mingəçevir), “Gənclik” (Sumqayıt), “Təhsil” (Bakı), “Gəncə”, 2-ci liqada isə “Astara”, “Şəki”, “Xəzər” (Lənkəran), “Olimp” (Masallı) və Nizami RİOEUGİM çıxış edəcək. Çempionat dörd dövrədən ibarət olacaq. Hər bir komanda mövsüm ərzində 12 oyun keçirəcək. Qaydalara əsasən, liqada sonuncu yeri tutan klubu növbəti ölkə birinciliyində digər liqanın qalibi əvəzləyəcək.

Qadınların çempionatı isə gələn həftə başlanacaq. Turnirdə xanım hokkeyçilərdən ibarət 5 komanda - “Atasport-2”, “Bakı”, Nizami RİOEUGİM, “Şahdağ” (Qusar) və “Xəzər” (Lənkəran) qüvvəsini sınayacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”