Rusiyanın Nalçik şəhərində keçirilən şahmat üzrə Qran-Prinin VII turuna yekun vurulub. Apasport.az saytının məlumatına görə, Azərbaycan təmsilçisi Şəhriyar Məmmədyarov hesabat turunda yarım xalla kifayətlənib. Qara fiqurlarla oynayan həmvətənimiz rusiyalı Yevgeni Alekseyevlə heç-heçə edib. Tərəflər 41-ci gedişdə “sülh” bağlayıblar.

Hazırda Məmmədyarov 3,5 xalla 7-10-cu pillələri bölüşdürür. O, lider Levon Aronyandan (Ermənistan) 1 xal geri qalır.

Şəhriyar bu gün ukraynalı Vasili İvançukla qarşılaşacaq. 14 şahmatçının 13 turda mübarizə aparacağı yarış aprelin 29-da başa çatacaq.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb