Mayın 15-də İtaliyanın Milan şəhərində start götürəcək sambo üzrə böyüklər arasında Avropa çempionatında çıxış edəcək Azərbaycan milli komandasının heyəti açıqlanıb. Bu haqda Lent.az-a yığmamızın baş məşqçisi Mübariz İbrahimov məlumat verib.

Onun sözlərinə görə, 3 gün davam edəcək yarışda ölkəmiz 9 mümkün çəki dərəcəsindən 7-də çıxış edəcək. İbrahimov bildirib ki, qitə birinciliyində Əfqan Abdullayev (52 kq), İslam Qasımov (57 kq), Yaşar Abbasov (62 kq), Tərlan Kərimov (68 kq), Araz Muxtarov (74 kq), Zaur Paşayev (82 kq) və Anar Əliyev (100 kq) mübarizə aparacaq. 90 kq və 100 kq-dan yuxarı çəkidə ölkəmizi heç kim təmsil etməyəcək.

Cabir İsmayılovla Yaqub Abdullayev isə Milana hakim qismində yollanacaq. Yarışlar “Sentro Sportivo İseo” İdman Kompleksində keçiriləcək.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb