Bu gecə şahmat üzrə dünya çempionu Vişvanatan Anand Bakıya təşrif buyuracaq. Azərbaycan Şahmat Federasiyasının mətbuat katibi Tural Baxışovun apasport.az saytına verdiyi məlumata görə, Anand gecə saat 03:30-da paytaxtımıza yetişəcək. “Hind pələngi” dünya və Azərbaycan yığmalarının yoldaşlıq görüşündə iştirak etmək üçün ölkəmizə gəlir.

Ananddan öncə isə vitse-çempion rusiyalı Vladimir Kramnik Bakıda olacaq. Onu gətirən təyyarə bu gün axşamçağı hava limanına enəcək. Dünya yığmasının heyətində yer alan digər iki şahmatçı Aleksey Şirovla (İspaniya) Sergey Karyakin (Ukrayna) sabah paytaxtımıza gələcəklər.

Qeyd edək ki, Azərbaycan və dünya komandalarının görüşü mərhum prezident Heydər Əliyevin xatirəsinə həsr olunmuş şahmat üzrə "Prezident Kuboku" uğrunda yarış çərçivəsində baş tutacaq. Bu oyunda yığmamızın şərəfini Teymur Rəcəbov, Vüqar Həşimov, Şəhriyar Məmmədyarov, Qədir Hüseynov və Rauf Məmmədov qoruyacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”