Bakı İdman Sarayında mərhum prezident Heydər Əliyevin xatirəsinə həsr edilmiş boks üzrə beynəlxalq turnir başa çatıb. Apasport.az saytının məlumatına görə, Azərbaycan boksçularından Salman Əlizadə (46 kq), Salman İbrahimov (48 kq), Novruzəli Əliyev (67 kq), Teymur Məmmədov (80 kq) və Hacıbaba Hacıbalayev (86 kq) qızıl medallara layiq görülüblər. Digər çəki dərəcələrində Burqut Haciboyev (50 kq, Özbəkistan), Rəmzi Uyar (52 kq, Türkiyə), İqor Xaritonov (54 kq, Rusiya), Maksim Şmiqlev (60 kq, Rusiya), Dmitri Rubtsov (63 kq, Rusiya), Maykl Rekli (66 kq, İrlandiya), Uorl Jozef (70 kq, İrlandiya), Pavel Makarov (75 kq, Rusiya) qalib gəlib.
Ümumi hesabda idmançılarımız 5 qızıl, 7 gümüş və 10 bürünc medal qazanıblar. Beləliklə, cəmi 22 medala sahib çıxan Azərbaycan yığma komandası turnirin qalibi olub. Rusiya ikinci, Özbəkistan yığması isə üçüncü yeri tutub.

Xatırladaq ki, keçənilki turnirdə Azərbaycan boksçuları 6 qızıl, 3 gümüş və 12 bürünc medal qazanmışdılar.

Mənbə: AzərTac

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb