Sərbəst və yunan-Roma güləşi üzrə gənclərdən ibarət Azərbaycan milli komandası beynəlxalq turnirdə iştirak edəcək. Gənclər və İdman Nazirliyinin mətbuat xidmətindən apasport.az saytına verilən məlumata görə, pəhləvanlarımız Türkiyənin Antalya şəhərində keçiriləcək yarışda qüvvələrini sınayacaqlar.

Mayın 15-də start götürəcək turnirdə ümumilikdə 16 idmançımız mübarizə aparacaq. Sərbəst növdə Əfrahim Şəfiyev (50 kq), Azər Paşayev (55 kq), Cavid Dəmirov (60 kq), İbrahim Yusubov (66 kq), Zaur Ələkbərov (74 kq), Roman Bəkirov (84 kq), Xangerey Asiyatilov (96 kq) və Aslan Dzabişov (120 kq) çıxış edəcək.

Yunan-Roma güləşçilərimizdən isə Səid Balabəyov (50 kq), Taleh Məmmədov (55 kq), Cəfər Balaqədəşov, Kamran Məmmədov (hər ikisi 60 kq), Rəsul Cunayev (66 kq), Nicat Sadıxov (74 kq), Murtuza Tağıyev (84 kq) və Səbuhi Hümbətov (96 kq) döşək üzərinə çıxacaqlar. Yarışa mayın 17-də yekun vurulacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”