Azərbaycan Gimnastika Federasiyasının (AGF) vitse-prezidenti Altay Həsənov Avropa Gimnastika İttifaqının (UEG) İcraiyyə Komitəsinə üzv seçilə bilər. Apasport.az saytının məlumatına görə, bunu Bakıda təşkil olunan bədii gimnastika üzrə Avropa çempionatı ilə bağlı keçirilən mətbuat konfransında UEG-in prezidenti Dimitrios Dimitropoulos deyib.

O, bu ilin noyabrında İcraiyyə Komitəsinə keçiriləcək seçkilərdə Altay Həsənovun da qələbə şansını yüksək qiymətləndirib. Həsənov isə bu barədə danışmağın tez olduğunu söyləyib: “Çox sağ olsunlar ki, mənə belə bir vəzifə təklif edirlər. İcraiyyə Komitəsinə seçilib-seçilməyəcəyim haqda isə indidən danışmaq tezdir”.

AGF-nin vitse-prezidenti, həmçinin sabah başlanacaq Avropa çempionatı haqda fikirlərini bölüşüb. Həsənov gimnastlarımızın bu dəfə 2007-ci ildə paytaxtımızda keçirilmiş qitə birinciliyindən də yaxşı nəticə qazanacaqlarına inandığını bildirib.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb