Ukraynanın paytaxtı Kiyevdə gənc oğlan və qızlar arasında təşkil olunmuş beynəlxalq cüdo turnirinə yekun vurulub. Azərbaycan Cüdo Federasiyasının mətbuat xidmətindən apasport.az saytına verilən məlumata görə, yarışa qatılan 23 idmançımızdan 3-ü fəxri kürsüyə yüksəlib.

Belə ki, İlqar Müşkiyev (55 kq) və Ramin Qurbanov (81 kq) bütün rəqiblərinə qalib gələrək, qızıl medala sahib çıxıblar. Digər həmyerlimiz Mirzə Əsgərov (60 kq) isə 3-cü yeri tutub.

Cüdoçularımız turnirin ardından Kiyevdə start götürən təlim-məşq toplanışında iştirak etdikdən sonra Vətənə dönəcəklər.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”