Bu gün Azərbaycan Xalq Cümhuriyyətinin 100 illiyi münasibəti ilə keçirilən Milli Atçılıq Festivalı çərçivəsində sonuncu yarışa - polo üzrə Dünya Kubokuna start veriləcək. Apasport.az saytının məlumatına görə, Heydər Əliyev Fondunun dəstəyi və Azərbaycan Respublikası Atçılıq Federasiyasının təşkilatçılığı ilə təşkil olunacaq turnir 3 gün davam edəcək.

Bakıda, Binə Atçılıq Mərkəzində keçiriləcək yarış “Elite Horse & Polo Club” (“PaşaBank”) və “İndian Polo & Riding Club New Delhi” (Bot) görüşü ilə başlayacaq. Günün ikinci oyunu isə “Polo Club Wicklow” (Palladium) və “Rhein Polo Club Düsseldorf” (Altun 97) arasında olacaq.

Sabah ilk oyunda “Rhein Polo Club Düsseldorf” (Altun 97) və “İndian Polo & Riding Club New Delhi” (Bot) mübarizə aparacaq. İkinci qarşılaşma isə “Elite Horse & Polo Club” (“PaşaBank”) və “Polo Club Wicklow” (Palladium) arasında baş tutacaq.

Festivalın və VI dəfə keçiriləcək Dünya Kubokunun sonuncu günü – iyunun 17-də mükafatçıların adlarına aydınlıq gələcək. Öncə 3-cü yerin sahibi bilinəcək. Ardınca isə final görüşü olacaq.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb