Cüdo üzrə Azərbaycan milli komandası sentyabrda Bakıda keçiriləcək dünya çempionatına hazırlığını davam etdirir. Apasport.az saytının məlumatına görə, ötən həftə Cənubi Koreyanın İnçxon şəhərində təlim-məşq toplantısına start verən millimizin heyətində bütün aparıcı cüdoçular yer alıb.

Baş məşqçi Ruslan Moşurenkonun rəhbərliyi altında yığma üzvləri Yaponiya, Koreya, Fransa, Almaniya, Rusiya, Braziliya, İtaliya və digər ölkələrin cüdoçuları ilə birgə məşq keçiblər. İyunun 11-də Azərbaycan millisi Cənubi Koreya toplantısını başa vurub.

Cüdoçularımız dünya çempionatına hazırlığı bu gündən başlayaraq Yaponiyada davam etdirəcəklər. Milli komandamız vətənə iyunun 21-də dönəcək.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb