Dünya çempionatının startına bir neçə gün qalmış Argentina yığmasında növbəti itki baş verib. Apasport.az saytının xarici mətbuata istinadən məlumatına görə, yarımmüdafiəçi Manuel Lansini mundiala aparılacaq heyətdə yer almayacaq.

Buna səbəb 25 yaşlı futbolçunun məşq zamanı xəsarət almasıdı. Müayinə zamanı Lansininin sağ dizindəki zədənin ciddi olduğu və 2018-19 mövsümünün startından tez sıraya dönməyəcəyi aşkarlanıb. Bu səbəbdən məşqçilər korpusu onu heyətdən kənarlaşdırmalı olacaq. Lansinini “tanqoçular”da kimin əvəz edəcəyi hələlik bəlli deyil.

Ondan əvvəl əsas qapıçı Serxio Romero zədə ucbatından komandadan uzaqlaşdırılmışdı.

Qeyd edək ki, Argentina yığması dünya çempionatında İslandiya, Xorvatiya və Nigeriya ilə bir qrupda mübarizə aparacaq.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb