Braziliya yığmasının hücumçusu Neymar DÇ-2014-ün yarımfinal mərhələsində Almaniya ilə keçirilən oyunu xatırlayıb. Apasport.az saytının xarici mətbuata istinadən məlumatına görə, superulduz həmin vaxtkı 1:7 hesablı məğlubiyyəti hələ də unutmadıqlarını söyləyib.

Neymar yenidən Budestimlə üz-üzə gəlmək və onlardan intiqam almaq istəyində olduğunu gizlətməyib: “Bütün braziliyalılar üçün böyük məyusluq idi. Həmçinin mənim üçün də. Hamımız çox utanırdıq. Turnir ölkəmizdə keçirildiyindən, bizdən hamı çempionluq gözləyirdi və təzyiq bir insanın daşıya biləcəyi yükdən artıq idi. Amma Almaniya da möhtəşəm komanda idi. Onlarla yenidən qarşılaşmaq istərdim. Ancaq bu dəfə mənim də meydanda olmağım şərtilə. Çünki dörd il əvvəl mən oynasaydım, nəticə 1:7 olmazdı, fərqli keçərdi. Buna əminəm. Bu dəfə üz-üzə gəlsək, əsl intiqam oyunu olacaq”.

Qeyd edək ki, Braziliya yığması mundialda İsveçrə, Kosta-Rika və Serbiya ilə eyni qrupda mübarizə aparacaq.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb