Türkiyənin Antalya şəhərində keçirilən gənc cüdoçuların Avropa çempionatına yekun vurulub. Apasport.az saytının məlumatına görə, yarışa 43 idmançı ilə yollanan Azərbaycan millisi 7 medal qazanıb.

Komandamızın heyətində Hidayət Heydərov (66 kq), Samir Ağayev (73 kq) və Leyla Əliyeva (44 kq) fəxri kürsünün ən yüksək pilləsinə qalxıblar. Yalnız finalda uduzan Murad Heydərli (60 kq), Eldar Sultanov (66 kq) və Musa Şəkərəliyev (90 kq) gümüş medalla kifayətlənib. Rüfət Tağızadə (60 kq) isə üçüncü yeri tutub.

Qeyd edək ki, yığmamız 16 ölkə arasında 2-ci olub. Komandamız yalnız Rusiyadan (7 qızıl, 8 gümüş, 12 bürünc medal) geri qalıb. 

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq