Madam Tüsso muzeyinin Honkonq filialı yeni eksponatla zənginləşib. Apasport.az-ın məlumatına görə, tennis üzrə dünyanın keçmiş bir nömrəsi Mariya Şarapovanın mum büstü muzeyin eksponatına çevrilib.

“Böyük dəbilqə” seriyasının bütün dörd turnirinin qalibi olan Şarapova Tüsso muzeyində mum heykəli qoyulan ilk qadın tennisçidir. Honkonq muzeyinin baş direktoru Kelli Mak bildirib ki, Şarapova muzeylərində ilk məşhur tennisçi olacaq: “Biz bu il dünya idmanının bir çox nümayəndəsinin heykəlini də əldə etmək niyyətindəyik”.

Şarapovanın mum heykəli “çempion zalı”na qoyulub. O, ingilis futbolçusu Devid Bekhemlə məşhur çinli basketbolçu Yao Minin arasında yerləşdirilib.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq