Dünya şahmat tacı uğrunda iddiaçıların turnirinə yekun vurulub. Apasport.az saytının məlumatına görə, Xantı-Mansiyskdə təşkil olunan yarışın sonuncu - XIV turu formal xarakter daşıyıb.

Belə ki, bundan əvvəlki turda 1-ci yeri təmin edən hindistanlı Vişvanatan Anandın qələbəsindən sonra son matçlar əhəmiyyətini itirib. Bu üzdən də son 4 oyundan üçündə bərabərlik qeydə alınıb. Yalnız ikinci olmaq üçün döyüşən Sergey Karyakin rəqibini məğlub edib.

Azərbaycan təmsilçisi Şəhriyar Məmmədyarov son turda ağ fiqurlarla Vladimir Kramniklə heç-heçə edib. 14 turluq marafonu 7 xalla tamamlayan idmançımız 50 faizlik nəticə ilə 3-cü yerə şərik olub.

30 mart
XIV tur

Levon Aronyan (Ermənistan) - Sergey Karyakin (Rusiya) – 0:1

Vişvanatan Anand (Hindistan) - Pyotr Svidler (Rusiya) – 0,5:0,5

Şəhriyar Məmmədyarov (Azərbaycan) - Vladimir Kramnik (Rusiya) – 0,5:0,5

Veselin Topalov (Bolqarıstan) - Dmitri Andreykin (Rusiya) – 0,5:0,5

Turnir cədvəli: Anand – 8,5 xal; , Karyakin – 7,5; Məmmədyarov, Andreykin, Kramnik – 7; Aronyan, Svidler – 6,5; Topalov – 6.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq