100 metrə qaçış üzrə keçmiş dünya rekordçusu, yamaykalı Asaf Pauell dopinq qəbul etməsi ilə bağlı diskvalifikasiya edilib. Apasport.az saytının məlumatına görə, dünya və olimpiya çempionu 18 ay müddətinə heç bir yarışda iştirak edə bilməyəcək.

Yamayka Antidopinq Mərkəzinin yaydığı açıqlamada bildirilir ki, ötən il keçirilən beynəlxalq yarış zamanı götürülən analiz idmançının qanında qadağan edilən oxiloprin maddəsinin olduğunu göstərib.

Sprinter özü isə ona verilən cəza ilə razılaşmır: “Qərar tamamilə ədalətsizdir. Bu komissiyalar ona görə yaradılır ki, qayda pozuntusu zamanı idmançılara daha bir şans verilsin. İndi isə tamamilə başqa situasiyadır. İdmançı kimi icazə verilən qatqıdan (Ephiphany D1) istifadə etmişəm. İndi isə onun tərkibində oxiloprin olduğu üzə çıxıb”.

Atletin vəkili qərardan rəsmi qaydada şikayət edəcək.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq