Rusiyanın paytaxtı Moskvada 10 m atəş açmaq üzrə Avropa çempionatına start verilib. Apasport.az saytının məlumatına görə, yarışa 8 snayperlə qatılan Azərbaycan millisinin ilk cəhdi uğursuz alınıb.

Belə ki, gənclərin mübarizəsində 10 m məsafəyə tapançadan atəş açan Nərminə Səmədova çempionata vaxtından əvvəl vida edib. O, təsnifat mərhələsini 20-ci yerdə (367 xal) başa vurduğu üçün finala yüksələ bilməyib. Bu uğursuzluq Səmədovanın avqustda Çinin Nankin şəhərində keçiriləcək Yeniyetmələrin Yay Olimpiya Oyunlarına vəsiqə qazanmaq şansının da üstündən xətt çəkib.

Lakin Olimpiada-2014-ə lisenziya üçün Urfan Axundov da şansını yoxlayacaq.

Qeyd edək ki, çempionat martın 5-də bitəcək. 

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq