Sabah Şağan Olimpiya İdman Kompleksində boks üzrə “Böyük İpək Yolu” ənənəvi beynəlxalq turnirə start veriləcək. Boks Federasiyasından apasport.az saytına verilən məlumata görə, yarışda Azərbaycan idmançıları ilə yanaşı, Qazaxıstan, Gürcüstan, Ukrayna, Rusiya, Litva, Qırğızıstan, Türkmənistan, İran və Qatar komandaları iştirak edəcək.

Martın 9-dək davam edəcək turnirdə millimizin bir çox aparıcı boksçuları müxtəlif səbəblərdən iştirak etməyəcəklər. Ancaq Tural Əhmədov (56 kq), Nəsrəddin Məmmədov (60 kq) Lorenzo Sotomayor (64 kq), Tamerlan Abdullayev (69 kq) kimi müxtəlif turnirlərin qalib və mükafatçılarının rinqə çıxması gözlənilir.

Qeyd edək ki, yığmamız bu yarışa qədər Qəbələ və Lənkəranda təlim-məşq toplanışı keçib. Lənkəran toplanışında Qazaxıstan və Gürcüstan boksçuları da yığmamızla birgə məşq ediblər.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq