Qadın voleybolçular arasından CEV kubokunun qalibi müəyyənləşib. Apasport.az saytının məlumatına görə, bu, “Fənərbaxça” üzərində qalib gələn Polşanın “Bank Fakro” komandasıdır.

İlk oyunda evində İstanbul təmsilçisini 3:2 hesabı ilə məğlub edən polşalılar, cavab qarşılaşmasında da rəqibini eyni hesabla üstələyib - 2:3 (18:25, 25:19, 15:25, 25:22, 11:15).

Qeyd edək ki, “Bank Fakro” yarımfinalda Azərbaycan millisinin hücumçusu Natalya Məmmədovanın şərəfini qoruduğu Rusiya “Omiçka”sını mübarizədən kənarlaşdırmışdır. Omsk təmsilçisi həlledici oyuna gedən yolda evdə 2:3 hesabı ilə uduzduqları rəqiblərinə cavab qarşılaşmasında 0:3 (22:25, 19:25, 17:25) hesabı ilə məğlub olublar.

“Fənərbaxça” isə Rusiyanın digər komandası “Uralokça” üzərində qalib gələrək finala vəsiqə qazanmışdır.

• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə