Azərbaycan millisinin voleybolçusu Natalya Məmmədova gözlənilməz sürprizlə qarşılaşıb. Apasport.az saytının məlumatına görə, hücumçumuzun şərəfini qoruduğu “Omiçka” klubu 8 mart – Beynəlxalq Qadınlar Günü münasibəti ilə komandanın kişi azarkeşlərindən özünəməxsus diqqət görüb.

Belə ki, uzun illərdir omsklu qızları dəstəkləyən fanatlar komandanın ev oyunlarını keçirdiyi Viktor Blinovun adına İdman-Konsert Kompleksinə gələrək, üzərində klubun rəmzi olan tortu verərək, bir neçə musiqili nömrə ilə çıxış ediblər. Bununla kifayətlənməyən oğlanlar “Omiçka” ilə voleybol da oynayıblar. Əsas heyət oyunçuları arasında Superliqanın bombaridiri Məmmədova da yer alıb. Yoldaşlıq matçının hakimi isə komandanın kapitanı Yelena Yuryeva olub. 25:9 hesabı ilə qalib gələn qızlar oğlanlarla növbəti görüşünü 1 aprel – Gülüş Günündə keçirəcəklər.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq