“Matçın çətin keçəcəyini bilirdik. Rəqib 2-ci setdən sonra təşəbbüsü ələ aldı”. Bunu apasport.az saytının İstanbula ezam olunmuş əməkdaşına açıqlamasında “Rabitə”nin voleybolçusu Madeleyne Montano deyib.

Təcrübəli hücumçu Çempionlar Liqasının yarımfinalında “Yamamay”a 3:2 hesabı ilə qalib gəldikləri oyuna münasibət bildirib. Montanonın sözlərinə görə, yekunda səhvsiz oynamaları finala yüksəlmələri ilə nəticələnib: “Üçüncü və dördüncü setləri necə uduzduğumuzu şərh etmək çətindir. Lakin əsas odur ki, sonda rəqibdən güclü olduğumuzu sübut edərək, inamlı oyunla finala yüksəldik. Burada isə rəqibin kimliyinin fərqi yoxdur. Əsas odur ki, meydana çıxıb öz oyunumuzu göstərək”.

Qeyd edək ki, “Rabitə”nin finalda rəqibi “Qalatasaray” – “Vakıfbank” cütünün güclüsü olacaq.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq