Türkiyənin İstanbul şəhərində başa çatan qadın voleybolçular arasında Çempionlar Liqasının simvolik yığması açıqlanıb. Apasport.az saytının İstanbula ezam olunmuş əməkdaşının məlumatına görə, Bakının “Rabitə” klubunun gümüş medal qazandığı yarışın 8 nominasiyasında 2 voleybolçumuz Avropanın ən yaxşısı adını qazanıb.

Belə ki, Azərbaycan çempionunun bu mövsüm transfer etdiyi Montana Madeleyne çempionatın bombardiri seçilib. Komandamızın digər üzvü Nataşa Krsmanoviç isə qitənin ən yaxşı blokçusu adına layiq görülüb.

Digər nominasiyalarda – Yovana Brakoçoviç (“Vakıfbank”) Çempionlar Liqasının ən dəyərli voleybolçusu, Rosir Kalderon (“Qalatasaray”) ən yaxşı hücumçusu, Maren Brinker (“Yamamay”) topu oyuna ən yaxşı daxil edən, Gizem Güreşen (“Vakıfbank”) ən yaxşı liberosu, Yuko Sano (“Qalatasaray”) ən yaxşı top qəbuledici və Naz Aydəmir (“Vakıfbank”) ən yaxşı toppaylayıcı olub.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq