Tennis mövsümünün prestijli turnirlərindən olan “İndian-Uells”in qadınlar arasındakı qalibi müəyyənləşib. Apasport.az saytının məlumatına görə, bu, rusiyalı tennisçi Mariya Şarapovadır.

Həlledici mərhələdə onun rəqibi danimarkalı tennisçi Karolina Voznyaski olub. Şarapova hər iki setdə üstün oyun nümayiş etdirərək rəqibini 2:0 hesabı ilə üstələməyi bacarıb – 6:2; 6:2.

Mariya bu matçla birlikdə 9 dəfə qarşılaşdığı Voznyaskini 7-ci dəfə məğlub edib. Beləliklə, o, bu mövsümdə öz birinci titulunu və karyerada 28-ci zəfərini qazanıb.

Qeyd edək ki, Şarapova 2006-cı ildə Kaliforniya şəhərində keçirilən bu turnirin qalibi olub.

• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə