Qırğızıstanın Bişkek şəhərində keçirilən kişi basketbolçular arasında ənənəvi “Novruz” turnirinə start verilib. Apasport.az saytının məlumatına görə, Azərbaycan milli komandası ardıcıl 3 dəfə (2010-2012) qalibi olduğu yarışa bu dəfə də qələbə ilə başlayıb.

Asiyaya legionerlərsiz yollanan yığmamız turnirin ilk matçında ABŞ-ın “AİA” klubu ilə qarşılaşıb. Baş məşqçi Elxan Əliyevin yetirmələri şimali amerikalılarla dueldə 95:94 hesabı ilə qalib gəlib.

Qeyd edək ki, bu 2 komanda ilə yanaşı turnirdə Qazaxıstan və Qırğızıstan milliləri də mübarizə aparır. Dairəvi sistemlə mübarizə aparan komandalar sonradan yarımfinal və final matçlarında da qüvvəsini sınayacaq.

• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə