Azərbaycanlı beynəlxalq dərəcəli hakim Eldar Əliyev yeni təyinat alıb. Apasport.az saytının məlumatına görə, Avropa Voleybol Konfederasiyası (CEV) ədalət təmsilçimiz növbəti dəfə etimad göstərib.

Belə ki, Əliyev qadın voleybolçular arasında Avropa çempionatının pley-off mərhələsində Belarus – Slovakiya matçını idarə edəcək. O, görüşdə baş hakim olacaq. Həmyerlimizə finlandiyalı Kari Partiainen köməklik edəcək.

Maraqlıdır ki, bu cütün qalibi finalda Azərbaycan yığmasına rəqib olacaq. Qrupda Faiq Qarayevin yetirmələri ilə yanaşı, Xorvatiya və Rusiyada onların güclüsünü gözləyir.

Qeyd edək ki, görüşün vaxtı hələ dəqiqləşməyib. Matç 29 may – 2 iyun tarixləri arasında keçirilməlidir. Cavab oyunu isə bir həftə sonra Slovakiyada olacaq.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq