Bu gün qadın voleybolçular arasında Rusiya çempionatında yarımfinal mərhələsinin 3-cü oyunları keçirilir. Apasport.az saytının məlumatına görə, Azərbaycan milli komandasının hücumçusu Natalya Məmmədovanın şərəfini qoruduğu “Omiçka” öz meydanında son çempion Kazan “Dinamo”sunu qəbul edib.

İlk 2 matçda 1:3 və 0:3 hesabı ilə uduzan Omsk təmsilçisi bu dəfə də meydanı başıaşağı tərk edib - 0:3 (19:25, 21:25, 12:25). Pley-off seriyasında 3-cü dəfə uduzan Məmmədovanın komandası bununla da finala həsrət qalıb.

Qeyd edək ki, kazanlıların finaldakı rəqibi “Uraloçka” – “Dinamo” (Moskva) cütündə müəyyənləşəcək.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub