Yeni mövsümdən “Azərreyl”i çalışdıracaq Covanni Kaprara İtaliya Voleybol Federasiyası tərəfindən ciddi cəzaya məruz qalıb. Apasport.az saytının məlumatına görə, hazırda “Pyaçentsa”nı çalışdıran mütəxəssis 5 oyunluq cəzalandırılıb.

Buna A seriyasının final mərhələsinin “Konegliano” ilə baş tutan 3-cü matçında yaşananlar səbəb olub. Belə ki, Kaprara qarşılaşma zamanı hakimə etiraz etdiyi üçün qırmızı vərəqə alıb. Federasiyanın intizam komitəsi isə onun hərəkətini 5 oyunluq cəzaya layiq bilib.

Qeyd edək ki, görüş Kapraranın yetirmələrinin 2:3 hesablı məğlubiyyəti ilə başa çatıb. Bundan öncəki 2 görüşdə qələbə qazanan “Pyaçentsa” qalib gələcəyi halda çempion olacaqdı.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub