Qadın voleybolçular arasında Rusiya Superliqasında üçüncü yer uğrunda 3-cü oyun keçirilib. Apasport.az saytının məlumatına görə, 3 qələbəyə kimi davam edəcək mərhələnin üçüncü qarşılaşması Azərbaycan millisinin voleybolçusu Natalya Məmmədovanın şərəfini qoruduğu “Omiçka” üçün uğursuz alınıb.

İlk 2 matçda “Uraloçka”ya 3:1 hesabı ilə qalib gələn Omsk təmsilçisi bu dəfə 2:3 (23:25, 25:23, 21:25, 28:26, 11:15) hesablı məğlubiyyətə üzülüb. Nəticədə Məmmədova və komandası arzuladıqları bürünc medala hələ sahib ola bilməyib. Tərəflər arasında növbəti oyun sabah olacaq. Əgər bu dəfə də Nikolay Karpolun yetirmələri qalib gələrsə, 5-ci matç mayın 15-də keçiriləcək.

Qeyd edək ki, “Omiçka” əsas mərhələdə “Uraloçka”ya uduzmamışdı.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub