Polşa millisinin voleybolçusu Milena Radeçka yeni mövsümdən “Azərreyl”də oynamayacaq. Apasport.az saytının məlumatına görə, “dəmiryolçular” son mövsümdə gözlənilən oyunu nümayiş etdirə bilməyən toppaylayıcı ilə müqaviləni uzatmaq niyyətində deyillər.

Buna komandanın və Azərbaycan millisinin əsas oyun qurucusu Oksana Porxomenkonun zədə problemini arxada qoyması da səbəb olub. Nəticədə Radeçkanın vətənində çıxış edəcəyi real görünür. Çünki 29 yaşlı voleybolçu artıq “Çemik Police”nin transfer siyahısına da salınıb.

Qeyd edək ki, “dəmiryolçular” mövsümün sonunda Riikka Lehtonen (Finlandiya) və Karolina Vensinklə də yolları ayırmışdı.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub