“Azərreyl” voleybol klubunun yeni baş məşqçisi müəyyənləşib. Apasport.az saytının məlumatına görə, italiyalı mütəxəssis Covanni Kapraranın imtinasından sonra “dəmiryolçular” “Bakı”nın sabiq baş məşqçisi Ancelo Vercesi ilə razılığa gəliblər.

“Bakı”da işlədiyi mövsümdə (2011/2012) komandasını “Çelenc Cup”ın finalına yüksəldən və Super Liqanın bürünc medalını qazanan 46 yaşlı braziliyalı mütəxəssislə 1 illik müqavilə imzalanıb. O, özünü yaxşı tərəfdən göstərəcəyi halda əməkdaşlıq uzadılacaq.

Qeyd edək ki, “Azərreyl”in ötən mövsümün sonunda istefaya göndərdiyi italiyalı Alessandro Çiappininin yerinə gələn Vercesi Azərbaycandan getdikdən sonra (1 il) işsiz idi.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub