"Komandamız yaxşı mübarizə apardı”.
Apasport.az xəbər verir ki, bunu “Kəpəz”in baş məşqçisi Adil Şükürov deyib.
Mütəxəssis Azərbaycan kubokunun 1/8 final mərhələsinin “Sabah”la matçından (3:4) sonra görüş haqda fikirlərini açıqlayıb: “Azarkeşlərin görmək istədiyi futbolu oynamaq istəyirik. Rəqib bu gün öz ustalığını göstərdi. Gələcəyə baxacağıq. Artıq bizim üçün kubok bitib. Bundan sonra çempionatı düşünəcəyik".
- Əlavə vaxta hazırlaşmışdız?
- Hazır idik, futbolçularla bu haqda danışmışdıq. Əlavə vaxtda iki əvəzetmə etməyi planlaşdırırdıq.
- Hakimlik haqda fikirləriniz necədir?
- Məncə, normal hakimlik oldu. Oyunda bəzən hakimlərlə emosiomal danışırıq. Hakimlərin böyük səhvi yox idi.
- Əsas heyət oyunçularını ehtiyatda saxlamağınızın səbəbi nə idi?
- Bu, əvvəlki oyunlarda çox yüklənmələri ilə bağlı idi. Çünki zədələnə bilərdilər. Oyunçuları qorumaq istəyirdik. Heyətdə olan bütün futbolçulara inanırıq. Bizdə əsas heyət və ya ehtiyat söhbəti yoxdur.
- Adama Nianenin oyununu necə dəyərləndirirsiz?
- Uğurlu çıxış etdi. Zədədən sonra çox istəkli idi. O, istədiklərimizi edir. Cavad Kərimov da yaxşıdır. Sevindirici haldır ki, Cavad Niane kimi hücumçunun yanında nələrisə öyrənir.
Oxşar xəbərlər
Ana səhifə
Bütün xəbərlər
Hesabım