AFFA-nın təşkilatçılığı, UEFA-nın dəstəyi ilə UEFA Kütləvi Futbol Həftəsi çərçivəsində Ağstafa şəhər stadionunda 10-12 yaşlı uşaqlar üçün festival keçirilib.

Apasport.az qurumun mətbuat xidmətinə istinadən xəbər verir ki, 100-dən çox uşağın qatıldığı festivalda iştirakçılar futbol oynayıb, əyləncəli vaxt keçiriblər.

Festivalın sonunda hər bir uşağa UEFA tərəfindən göndərilən toplar hədiyyə olunub. Hədiyyələri Kütləvi Futbol Departamentinin rəhbəri, veteran futbolçu Fərrux İsmayılov və Ağstafa UGİŞM-in direktoru Elşən Yusifov təqdim ediblər.

UEFA Kütləvi Futbol Həftəsi çərçivəsində növbəti belə tədbir Şəki şəhərində keçiriləcək.

• Uzun müddətdən sonra Neymar meydana çıxıb
• “Qəbələ” Albaniya millisinin hücumçusu ilə maraqlanır
• Belçika KUPONU
• Qurban Qurbanov: “Yaxşı futbolçu olmaq üçün Musa kimi qardaşın olmalıdır”
• Zəfər Kubokunun püşkatma mərasimi keçirilib