“Neftçi” daha bir transferini reallaşdırıb. 

Klubdan apasport.az saytına verilən məlumata görə, braziliyalı sol vinger Andre Şinyaşiki ilə 2 illik müqavilə bağlanıb. 

Mərkəz hücumçusu mövqeyində də oynayan 26 yaşlı futbolçu komandamızın heyətində 9 nömrəli formanı geyinəcək.

Andre Şinyaşiki ABŞ-nin “Kolorado Rapids” (2017-2022), “Kolorado Sprinqs Suitçbaks” (2019) və “Şarlott” (2022-2023) klublarında çıxış edib. 2019-cu ildə MLS-də ilin ən yaxşı gənc oyunçusu seçilib.

Qeyd edək ki, “Neftçi” bundan əvvəl milli komandamızın üzvləri – qapıçı Emil Balayev, Xorvatiya əsilli yarımmüdafiəçi Filip Ozobiç, mərkəz müdafiəçiləri – braziliyalı Yuri Matias və macarıstanlı Mark Tamaş, təcrübəli dayaq yarımmüdafiəçisi Qara Qarayev və sağ cinah müdafiəçisi Ervin Koffi ilə anlaşıb.

• Cəlal Hüseynov Bolqarıstanda növbəti oyununa çıxıb
• Boksçularımız Serbiyada beynəlxalq turnirdə iştirak edəcək
• “Borussiya” Bellinqemin qiymətini açıqladı
• “Böyük beşlik” kuponu
• "Qarabağ"ın legioneri oynadı, komandası qazandı