Azərbaycan kikboksçusu Bəhram Rəcəbzadə 2022-ci ilin ən yaxşı idmançısı seçilə bilər.

Apasport.az saytının məlumatına görə, “Best of Birminqem”in qalibi olmaq üçün Beynəlxalq Ümumdünya Oyunlar Assosiasiyası (IWGA) 2022-ci ilin idmançı və komandaları arasında səsvermə keçirir.

Səsvermədə beynəlxalq idman federasiyaları tərəfindən təklif olunmuş 23 idmançı və 12 komanda iştirak edir. Bu iştirakçıların hamısı ötən ilin 7-17 iyul tarixlərində ABŞ-n Birminqem şəhərində (Alabama ştatı) keçirilmiş XI Ümumdünya Oyunlarının iştirakçılarıdır.

Azərbaycandan bu səsvermədə sözügedən yarışın çempionu, dünya və Avropa çempionatının, eləcə də V İslam Həmrəyliyi Oyunlarının qalibi Bəhram Rəcəbzadə də iştirak edir. Hər 24 saatdan bir 2 idmançıya səs vermək olar. Birinci səs verdiyiniz idmançıya səs 2, ikinci səs verdiyiniz atletə 1 olaraq hesablanır. 
İlkin səsvermə sabah başa çatacaq. Əgər idmançımız ilk 10-luğa düşsə, ikinci səsvermə mərhələsinə adlayacaq. İkinci mərhələ yanvarın 31-dək davam edəcək. İlin idmançısı və komandasına pul mükafatı və hədiyyə veriləcək.
 

• Mourinyodan etiraz: “Onlar orada olmamalıdır”
• Günün KUPONU
• Vüsal İsgəndərli Albaniyada zirvədə
• "Mançester Siti" "Çelsi"ni Londonda məğlub etdi
• “Arsenal” futbolçusunu 5 milyona satdı