“Oyuna yaxşı hazırlaşmışdıq, yaxşı mübarizə apardıq”.

Apasport.az saytının məlumatına görə, bunu “Qarabağ”ın futbolçusu Bəhlul Mustafazadə Çempionlar Liqasının pley-off mərhələsində “Viktoriya” ilə keçirilən cavab oyunu barədə danışarkən deyib.

Bakıda rəqibi ilə qolsuz bərabərə qalan və Plzendə 1:2 hesabı ilə məğlub olan Azərbaycan çempionu mübarizəni Avropa Liqasının qrupunda davam etdirəcək.

Müdafiəçi oyundan sonra “CBC Sport” telekanalına açıqlamasında bunları deyib: “Təəssüf ki, iki qol buraxdıq və mərhələni adlaya bimədik. Mərhələni adlamağı çox istəyirdik. Komanda şəklində hamımız vuruşduq, əlimizdən gələni etdik. Amma sonda məğlub olduq. Avropa Liqasında da əlimizdən gəldiyi qədər maksimum nəticə qazanmağa, qalibiyyətlər əldə etməyə çalışacağıq. Təəssüf ki, xalqımızı sevindirə bilmədik. Dəstəklərdən xəbərimiz var idi. Bütün azarkeşlərə təşəkkür edirəm”.

• 46986,33 əmsallıq KUPONU SATDI
• Ayazın KUPONU
• “Apasport” KUPONU
• Misli Premyer Liqasında hakim təyinatları açıqlandı
• "Mançester Yunayted"də itki