Türkiyənin İstanbul şəhərində təlim-məşq toplanışını başa vuran qadın güləşçilərdən ibarət Azərbaycan millisi bu gün dünya çempionatının keçirildiyi Serbiyanın paytaxtı Belqrada yollanıb.

Apasport.az saytı xəbər verir ki, bu barədə Güləş Federasiyası məlumat verib.  

Bildirilib ki, baş məşqçi əvəzi Rövşən Umudov və məşqçi Solmaz Adilovanın rəhbərliyi altında 5 güləşçi - Leyla Qurbanova (53 kq), Jalə Əliyeva (57 kq), Alyona Kolesnik (59 kq), Tatyana Omelçenko (62 kq) və Elis Manolova (65 kq) ölkəmizi DÇ-də təmsil edəcək.

Sabah qadın güləşi üzrə püşkatma mərasimi keçiriləcək. 

Sentyabrın 12-də Tatyana, 13-də Leyla və Elis, 14-də isə Jalə ilə Alyona mübarizəyə başlayacaq.

• “Qarabağ”ın futbolçusu Super Liqa klubunun hədəfində
• Ukrayna KUPONU
• Fransa KUPONU
• Nikola Yurçeviç: “Azərbaycan birincilik uğrunda Slovakiya ilə yarışacaq”
• İngiltərə kuponu