"Araz-Naxçıvan" Azərbaycan Premyer Liqasının 34-cü turunda öz meydanında "Turan Tovuz"a 0:1 hesabı ilə məğlub olub.

Apasport.az xəbər verir ki, Muxtar Respublika təmsilçisinin baş məşqçisi Elmar Baxşıyev matçdan sonra keçirilən mətbuat konfransında jurnalistlərin suallarını cavablandırıb:

- Hər iki komanda yaxşı mübarizə apardı. Komandalar meydanın hər zonasında əzmkarlıq göstərməyə çalışırdı. Neçənci oyundur ki, epizodları dəyərləndirə bilmirik. Amma yarım epizoddan qol buraxırıq. Dəyişiləsi çox şey var. Amma bu komandanın özəyini saxlamaq lazımdır. Qarşıdakı iki oyunu düşünüb çempionatı başa vurmalıyıq.

- Epizodları dəyərləndirə bilməməyin səbəbi nədir?

Rəqibin istəksiz olduğunu düşünmürəm. Meydanın hər qarışı uğrunda mübarizə aparırdılar. Epizodları dəyərləndirməmək ayrı mövzudur. Bəzən konsentrasiya, bəzən də keyfiyyət lazım olur. "Araz-Naxçıvan" Premyer Liqada yeni komandadır. Daha da yaxşı olmağa cəhd etmək lazımdır.

• Şərikli KUPON
• Gimnastlarımız Yaponiyadakı Dünya Kubokunda mübarizə aparacaqlar
• Mehriban Əliyevadan "Qarabağ" – "Qalatasaray" oyunu ilə bağlı paylaşım - VİDEO
• “Apasport”dan 6 uduş: “Ödənişli” kuponlarla qazanmağa davam
• “Qəbələ”nin legioneri: “Premyer Liqada qalacağımıza inanırıq" - Müsahibə