Azərbaycan boksçusu Tayfur Əliyev İtaliyanın Busto Arsizio şəhərində keçirilən I Dünya Olimpiya Təsnifat Turnirinə qələbə ilə başlayıb.

Federasiyadan apasport.az-a verilən məlumata görə, 63,5 kq çəkidə rinqə çıxan Avropa Oyunlarının mükafatçısı 1/32 finalda Matias Amaya Lusianonu (Argentina) mübarizədən kənarlaşdırıb.

Əliyev rəqibinə 3:2 (29:28, 28:29, 30:27, 30:27, 28:29) hesabı ilə qalib gəlib. Boksçumuz növbəti döyüşündə yaponiyalı Şion Nişiyama ilə döyüşəcək. Görüş martın 7-də baş tutacaq.

Əliyevə qədər Nicat Hüseynov (51 kq), Ümid Rüstəmov (57 kq) və Zeynəb Rəhimova (54 kq) da 1/16 finala yüksəliblər.

Qeyd edək ki, Azərbaycan yığması yarışa 9 boksçu ilə yollanıb.

• Basketbolçularımız çempion oldu
• “Apasport”dan yutub KUPONU
• Maqomed Adiyev: "Azərbaycan yığması layiqli rəqibdir"
• Basketbol Federasiyası uşaq basketbol məşqçilərinə sertifikatlarını təqdim edib
• “Apasport” KUPONU