"Ərazi üstünlüyü bizim tərəfdə idi. Çoxlu qol fürsətləri yaratdıq. Amma yenə də, standart vəziyyətdən qol buraxdıq".

Apasport.az saytı xəbər verir ki, bunu "Sabah"ın baş məşqçisi Murad Musayev "Araz-Naxçıvan"la heç-heçə yekunlaşan qarşılaşmadan sonra deyib.

Rusiyalı mütəxəssis futbolçuların mübarizəsinə qiynət verib: "Amma futbolçularıma əhsən, ruhdan düşmədilər, sona qədər mübarizə apardılar və hesabı bərabərləşdirdilər. Lakin ərazi üstünlüyünə və qol epizodlarının çoxluğuna görə üç xal vermirlər".

- Yeni gələnlərin formaya düşməsi üçün daha çox oyuna ehtiyac duyulur. Amma milli komandaların matçlarına görə fasilə yaranacaq. Demək olar ki, bu onlara mane olacaq?
- Ümidvaram ki, bu fasilə bizim xeyrimizə işləyəcək. Amma nəzərə alaq ki, komandanın yarısı bizimlə olmayacaq. Bir-birimizi anlaşmanı da artırmalıyıq.

- Demək olar ki, “Sabah” yavaş-yavaş geri dönməyə, enişdən çıxmağa başlayır?
- Xalımız çox azdır, qələbə qazanmaq lazımdır. Bəlkə də, bəzən pis oynayaraq üç xal qazanmaq da olar. Ən vacibi qələbələr qazanmağa başlamaqdır.

• Sabiq “Barselona”lı MLS-ə yollandı
• Azərbaycan yığmasında 23 futbolçu
• “Real” 16 yaşlı braziliyalı alır
• “Çelsi”nin transfer siyahısı
• Musa debüt etdi, komandası uduzdu